Gleðilegt nýtt ár

S'iðasti dagur ársins og ég sit í vinnunni að blogga hehe.  Ég veit ekki hvort ég nenni að gera árið mikið upp núna, enda ekki merkilegir hlutir að gerast hérna í sveitinni.

Ef ég stikla á stóru

Ég nýja vinnu fór úr apotekinu og er að vinna sem þjónustufulltrúi og sölumaður hjá ónefndu fyrirtæki.

Ég þurfti að fara tvisvar upp á spítala, annað skiptið að sækja Snorra eftir heilahristing og hitt skiptið með Aþenu til að fá næringu í æð eftir streptakokka og strax þar á eftir Nóróveiru. Litla dúllan var soldið þurr eftir þetta allt.

Ég fór á þjóðhátíð í fyrsta sinn síðan 1998 og á Eistnaflug í fyrsta sinn ever.

Ég þurfti að kveðja Rósu mína og seldi hana í sveit á Flúðum en ég er símasambandi við nýju eigendurna og henni líður vel svo samviskan er ekki að naga mig.

Ég lét klippa á mér hárið stutt og búin að halda því og líkar vel, er að spá í hvort ég vilji vera blondína og er komin með slatta af ljósum strípum.

Já eins og ég sagði þá var ekki mikið um að vera hjá mér. Nýtt ár vil ég að einkennist af hreyfingu og  góðum og hollum mat, meiri tíma með börnunum og minni í tölvunni. Ég hef ekki mikla trú á áramótaheitum, enda hef ég ekki haldið neitt einasta heit í mínu lífi en þetta er það sem mig langar að gera og Snorri ætlar eitthvað að vinna að þessu líka svo við vonandi stiðjumst að í þessu.

 

Gleðilegt nýtt ár allir sem nenna að lesa þetta og líka þið hin. Ég vona að nýtt ár verði ykkur gott 

Bloggfrí fram yfir jól

Ég er að fara til Reykjavíkur á eftir og kem ekki heim fyrr en seint 28. des svo ég veit ekki hvort ég nenni að blogga þann tíma. Ég ætla reyna þaruka í vinnu fram að hádegi og klára spottana svo ég geti farið í frí án þess að það sé eitthvað að naga mig eins og síðast.

Snorri fékk frá vini sínum í gær stærðarinnar hangilæri sem hann er að reykja á sjálfur. Þetta verður í jólaboðunum í bænum og verður þetta hrátt. Algert nammi.

Áþena á 2 ára afmæli á sunnudag og af því tilefni verður smá kaffi á sunnudaginn heima hjá mömmu, Bróðir minn varð 14 ára 17. des og verður þetta líka soldið fyrir hann. Það verður bara opið hús frá 12 til 16 enda fólk misupptekið svona nálægt jólum og viljum vð frekar að fólk kíki við en sleppi því alveg vegna þess afmælið var sett í ákveðin tíma.

En netheimar verða settir í salt fram yfir jól ef ég held það út.

Gleðileg jóla allir

Spilaæði

Við hjúin fórum að spila eina kvöldstund hjá vinafólki okkar á Eskifirði fyrir nokkru síðan og spiluðim spil sem heitir UNO attack. Mjö skemmtilegt spil, það er eins og UNO gamla sem margir kunna en með smá twist. Okkur fannst það svo sniðugt spil að við fórum að leita að því. Þetta fæst að sjálfsögðu ekki á Íslandinu góða svo við fórum með viðskipti okkar á Amazon. Það kom svo í gær þetta spil og mikil kátína var hjá mér og Birtu að læra almennilega á þetta og prufa smá. Nú mega jólin koma því þetta er það eina sem ég er búin að plana um jólin, að spila þetta spil. Allar gjafir, bakstur og annað má bara eiga sig, þetta verða SPILAJÓL.

Til hammó með ammó

He he. finnst þetta soldið skondin settning. En hann Jón Hjörtur bróðir minn á afmæli í dag og verður alveg 14 ára. Hann er helmingi yngri en ég þetta árið. Vonandi á hann góðan dag.

 

4 dagar í jólafrí

Eftir 4 daga þá fer ég til Reykjavíkur og verði í 9 daga fríi. Ég hef tekið eftir því að ég er hætt að segja að ég sé að fara til Hafnarfjarðar, þar býr mamma og ég segji sjálfa mig vera Hafnfirðing og ég hef alltaf sagt að ég sé að fara til HF en síðasta árið hefur þetta þróast út í það að vera RV.  Kannski er þetta vegna þess að það segja þetta allir hérna fyrir austan, þetta er jú höfuðborgin, en ég verð sennilega minnst í RV sjálfri.

Ég var alla helgina að bara og taka soldil þrif heima. Nenni ekki að koma heim eftir jólafríið og allt í drasli og skítugt. Það virðist samt alvega sama hversu mikið  ég tek til og reyni að halda öllu í lagi þá fer stofan alltaf í rugl og finnst mér hún aldrei vera góð.

 

Síðasti naglinn

Þetta verður síðasti naglinn í kistuna fyrir marga. Ég er nú þegar að borga hátt í 30.000 til að komast í vinnuna og nú á að hækka það. Ég er því miður í þannig vinnu að ég verð að hafa bíl. Það er ekki strætó á austurlandi og rétt 30 Km í vinnuna mína og ekki fer ég það hjólandi. Það er ekki langt í að það borgi sig fyrir mig að vera á atvinnuleysisbótum og vera heima hjá mér til að spara bensín. En ég hef það sennilega bara gott miðað við aðra. Ég á mat í ísskápinum, en enn að borga af öllum lánum en það er ekki til afgangur í veskinu um mánaðarmót svo þetta fer að verða vesen ef þetta heldur áfram.... og ég drekk ekki áfengi og reyki ekki en vona að það verði margir sem hætti því núna

Áfengisgjald hækkað

Helgi jólahlaðborðanna liðin

Já og mikið ofboðslega var þetta gaman. Föstudagurinn var með vinnufélögum mínum. Það var soldið stíft á milli fólkskins, það er ekki oft sem við hittumst þó við vinnum saman. En við borðuðum og spjölluðum smá. Það var samt  skondið að það var búið að taka það fram að ekki yrði boði upp á áfengi með mat og við hjónin alveg sátt við það  og pöntum okkur bara gos með. Svo þegar við vorum að fara þá vorum við dregin aftur inn þvi við gleymdum að borga fyrir gosið algerir aular að fatta þetta ekki. Við vorum svo sem ekki komin langt, bara rétt í fyrstu tröppu.

Á laugardaginn var borðað með vinnufélögum Snorra. Það var í skriðuklaustri og var þetta notalegt en alveg sprenghlægilegt líka. Það vildi svo heppilega til að samkeppnisaðili þeirra var á næsta borði og úr varð skemmtilegut rígur á milli borða. Það var nikkari þarna sem spilaði fyrir okkur og það var söngkeppni og á milli borða og brandarakeppni og fleira gaman. Eftirrétturinn var samt algert óæti og sem betur fer var ég svo södd eftir allt hitt að það skipti  mig litu máli og fékk ég mér bara sörur í staðin.

Sunnudagurinn fór svo í að moka meiri snjó, ég er alveg að verða komin með nó af því enda ekkert lítið sem búið er að snjóa hérna. það er rúmlega hnédjúpur snjór í garðinum og kæmi mér ekki á óvart að eitthvað kæmi undan honum í vor þegar hann bráðnar..... Snorri var samt búin að grafa upp stigann en það er allt önnur saga

Nú eru 11 dagar þar til ég fer í jólafrí í 9 daga og ég get varla beðið. Það er samt ekki eins mikið stress og ég bjóst við, ég er nánast búin að skipuleggja jólagjafirnar sem ég bjóst við að tæki mikið af tímanum mínum í bænum en þetta er allt að koma og vonandi get ég klárað þetta bara á 2-3 tímum.

 

kv. Begga

Elsku amma mín

Í gær var liðið ár frá því að amma dó. Mér var hugsað til hennar með söknuði. Hún var alltaf eina manneskjan í fjölskyldunni sem dæmdi mig ekki vegna þess sem ég gerði. Hún hlustaði á mig þegar ég talaði og kom mér til hjálpar ef ég bað hana um það. Þegar allar dyr voru lokaðar þá opnaði hún sitt heimili upp á gátt og tók mig inn.

Amma mín ég sakna þín mikið en nú ertu hjá afa sem þú ert búin að sakna í 20 ár og ég veit að ykkur líður vel. Skilaðu koss á kinnina á afa og segðu honum að ég sakni hans líka....